O Conselleiro de Educación e Universidade das Illas Baleares, Antoni Vera Alemany, realizou unha visita institucional ao CGIFP Eduardo Barreiros, acompañado polo Conselleiro de Educación, Ciencia, Universidades e FP, Román Rodríguez González, e pola Directora Xeral de FP, Eugenia Pérez Fernández.
Durante a visita, guiada pola directora do CGIFP, María Jesús Carnero, puideron coñecer de preto o traballo que se desenvolve no centro como referente de innovación e calidade dentro da Formación Profesional galega.
Este encontro forma parte dunha xornada de intercambio institucional entre Galicia e Baleares que tamén incluíu unha visita ao CIFP Carlos Oroza (Pontevedra), consolidando o espírito de colaboración entre comunidades autónomas para seguir avanzando nunha FP conectada, moderna e de excelencia.