Onte celebrouse unha xornada práctica no heliporto da Tecnópole (Parque Tecnolóxico de Galicia), na que os participantes tiveron a oportunidade de manexar diferentes tipos de drons profesionais en condicións reais.
Esta actividade forma parte do Curso de Piloto Profesional de Drons STS, que se está a impartir no CGIFP Eduardo Barreiros, e que busca capacitar ao alumnado para operar drons con seguridade e precisión no ámbito profesional.
A xornada permitiu aplicar os contidos teóricos adquiridos na aula e avanzar na formación práctica dun sector en plena expansión e con ampla demanda no mercado laboral.