O pasado venres tivo lugar no noso centro unha reunión do proxecto SHOREWINNER, unha iniciativa que busca crear unha Comunidade de Prácticas entre Centros de Excelencia de FP (CoVE) de cinco países do sur de Europa: Portugal, España, Italia, Grecia e Chipre, con foco no sector das enerxías renovables mariñas.
O obxectivo do proxecto é mellorar a formación da futura forza de traballo neste ámbito, mediante a colaboración, o intercambio de recursos e o aliñamento cos perfís demandados pola industria. O proxecto está liderado pola Universidade da Coruña (UDC) e conta coa participación do CETMAR e de varios centros da Consellería de Educación, Ciencia, Universidades e FP:
-
CIFP Ferrolterra
-
CIFP Universidade Laboral
-
CIFP Valentín Paz Andrade
-
CGIFP Eduardo Barreiros
Un paso máis na aposta pola colaboración internacional e pola innovación no eido da Formación Profesional galega.