O pasado 8 de maio, celebrouse en Vilagarcía de Arousa a segunda edición da carreira educativa Barreiros E-Motion, organizada polo CGIFP Eduardo Barreiros en colaboración con Greenpower Iberia, no marco do Congreso FP-Empresa sobre mobilidade sostible.
Participaron cinco centros de FP de Galicia:
-
IES de Vilalonga (Sanxenxo)
-
CIFP A Xunqueira (Pontevedra)
-
IES Castro da Uz (As Pontes)
-
IES María Sarmiento (Viveiro)
-
IES O Ribeiro (Ribadavia)
O alumnado competiu cunha carreira de resistencia con vehículos eléctricos deseñados e pilotados por eles mesmos, priorizando a eficiencia enerxética e o deseño sobre a velocidade. A iniciativa fomenta a aprendizaxe práctica, a innovación e o traballo colaborativo.
O evento contou coa presenza do conselleiro de Educación, Ciencia, Universidades e FP Román Rodríguez e da directora xeral de FP Eugenia Pérez, que puxeron en valor o compromiso da FP galega cun futuro sostible e conectado co sector produtivo.