A directora xeral de Formación Profesional, María Eugenia Pérez, acompañada polo Xefe Territorial da Consellería de Educación, Ciencia, Universidades e Formación Profesional en Ourense, Jorge Rubén Sampedro Grande, recibiu aos inspectores de educación da provincia no Centro Galego da Innovación da FP Eduardo Barreiros. O obxectivo da visita foi presentar as instalacións e os proxectos innovadores que lidera o centro, referentes na modernización da FP.
Durante o percorrido, déronse a coñecer iniciativas relacionadas coa economía circular, a enogastronomía, a fabricación aditiva ou a realidade virtual. O centro destaca tamén pola súa aposta pola especialización do profesorado, o emprendemento tecnolóxico e a transferencia de coñecemento ao tecido produtivo galego.