O Emprendemento en Blockchain como competencia económica de futuro
O mundo do Blockchain está de actualidade, cos tokens e o metaverso como novas realidades do emprendemento e a economía. Dada a súa importancia no mundo económico actual e a proxección que pode ter no futuro, o Centro Galego da Innovación da FP imparte desde o día 26 de febreiro a formación de alta especialización "Emprendemento en Blockchain", cos obxectivos de coñecer os beneficios do blockchain no emprendemento, valorar proxectos de blockchain e visualizar novas oportunidades para o emprendemento.
Esta formación, destinada fundamentalmente a docentes das familias de Administración e xestión, electricidade e electrónica e informática e comunicacións, contará con 20 prazas e terá unha duración de 8 horas presenciais. A acción formativa centrará os contidos nas seguintes áreas:
1.A cadea de bloques.
2.Tokenización como novo paradigma económico.
3.Blockchain práctico na economía.
4.Emprendemento en Blockchain.
5.Novos proxectos: Web 3.0, DeFi, NFT, DAO, Metaverso e Gamming.
Máis info en: https://www.edu.xunta.gal/fprofe/