A gran demanda de inscricións esgota as prazas dispoñibles para a formación en Robótica Móbil de última xeración.
Os próximos días 9, 10 e 11 de Outubro desenvolverase no Centro Galego da Innovación da FP Eduardo Barreiros unha formación de alta especialización en "Robótica Móbil de última xeración. Especializacións prácticas"(código Z2301093) . O alto interese da comunidade docente nesta actividade provocou un cheo nas inscricións, esgotando as prazas dispoñibles da formación.
A actividade, repartida en 3 días, buscará alcanzar os obxectivos de editar, incluír e crear un mapa dunha zona de traballo desde cero; xerar interface de control desde a API do robot móbil e comunicar ao robot cun PC para a súa xestión a través de comandos e o seu REST API.
O contido desta actividade basearase en:
- Dashboards de control como interface do robot.
- Mapeado e posicións.
- Troble shooting e revisión do HW do robot.
- Edición de mapas como liñas de prohibido, paso por defecto e paredes.
- Xeración de diferentes posicións e coñecemento dos tipos que se usan para programar.