Mellora de unións multimaterial a base selante

Nos vehículos de transporte sanitario, as unións entre materiais diversos do carrozado interior deben ofrecer resistencia, durabilidade e seguridade sanitaria. O reto propón investigar e deseñar solucións innovadoras para optimizar as unións entre distintos materiais, empregando selantes, adhesivos e pinturas que garantan elasticidade, resistencia térmica e estabilidade fronte a vibracións ou variacións de temperatura.

O obxectivo é definir a combinación máis eficiente de materiais e procesos, reducindo fallos estruturais e mellorando a calidade final dos acabados.