InnovaTech FP
Últimas novas 07/06/2024: Datas exposicións e data evento final
As exposicións diante dos xurados das solucións presentadas aos retos serán o xoves 13 e venres 14 de Xuño presencialmente no CGIFP ou de xeito online (previa solicitude).
O evento final no que se resolverá a proposta vencedora de cada reto será o martes 18 de Xuño, nas instalacións de Expourense , en horario de 11:15 a 13:00 aproximadamente. (Prégase asistencia con antelación para favorecer a loxística).
13/05/2024: Activo o formulario de presentación de solucións
Na seguinte ligazón poderedes consultar os formulario de presentación de solucións. para rexistrar as solucións propostas na fase final. Deberase subir un único arquivo en formato pdf coa solución proposta a cada reto. A extensión máxima será de 20 páxinas, en formato DIN A4, letra Arial, tamaño 12 puntos e entreliñado sinxelo, e poderá incluír material gráfico. Esta memoria debe incluir a seguinte información:
- Descrición da solución proposta.
- Viabilidade técnica.
- Viabilidade económica.
- Valoración de impacto nas zonas rurais.
O prazo para presentación de solucións estará aberto ata o día 31 de maio, incluido.
LIGAZÓN: Rexistro solucións fase final
23/02/2024: Equipos finalistas dos retos
Na seguinte ligazón poderedes consultar os equipos finalistas de cada reto que pasan á 2º fase do Innovatech FP:
LIGAZÓN: Equipos que pasan á 2º fase
22/01/2024: Formulario presentación de solucións
Na seguinte ligazón poderanse rexistrar as solucións propostas aos 10 retos do programa InnovaTech FP 2023/2024.
O prazo para presentación de solucións estará aberto ata o día 31 de xaneiro, incluido.
03/01/2024: Documento "Preguntas frecuentes"
Despois de recibir varias consultas xenéricas dos grupos, xa tedes a disposición o documento "Preguntas Frecuentes" para descarga e consulta ao final desta páxina.
Información xeral
O programa InnovaTech FP ten como obxectivo principal impulsar a innovación tecnolóxica e o emprendemento industrial, fomentando a creación de empresas de base tecnolóxica entre o alumnado de Formación Profesional.
Para logralo, o alumnado de Formación Profesional enfrontarase á resolución de 10 retos tecnolóxicos expostos por empresas, cuxas solucións deberán xerar un impacto positivo no desenvolvemento do medio rural.
O alumnado participante afrontará os retos propostos traballando en equipos multidisciplinares e que conten cunha distribución equitativa de xénero entre os seus membros. Deste xeito preténdese integrar perfís profesionais complementarios, á vez que se se promove a igualdade de oportunidades entre homes e mulleres.
Poderá participar o alumnado de Formación Profesional e persoas egresadas nos últimos dous anos, de todos os centros públicos dependentes da Consellería de Cultura, Educación, Formación Profesional e Universidades que durante o curso 2023/24 impartan ensinanzas de Formación Profesional e participen no Programa de aulas de emprendemento na Formación Profesional.
- Presentación do programa
- Texto da convocatoria
- Acceso ao anexo de solicitude
- Acceso ao anexo II
- Listaxe provisional de equipos presentados
- Listaxe definitiva de equipos presentados
Xornada de lanzamento de retos
A xornada de lanzamento dos retos do Programa InnovaTech FP terá lugar o vindeiro 1 de decembro no CIFP Universidade Laboral (Culleredo), en horario de 10:00 a 13:30 horas.
Soporte técnico e financeiro
Para o desenvolvemento das súas propostas,os equipos participantes contarán con formación especializada e co apoio técnico do Centro Galego de Innovación da Formación Profesional Eduardo Barreiros (CGIFP).
¿Alguna dúbida?
Se tes alguna dubida relaccionada cun reto ou algunha consulta xeral sobre o programa InnovaTechFP podes usar o noso formulario de contacto:
*Recorda encher todos os campos, incluída a aceptación da política de privacidade e a confirmación de non ser un robot
» Solicitar información InnovaTechFP
Arquivos adicionais:
Preguntas frecuentes - FAQS Retos propostos
» Deseño dun sistema de autolimpeza para reixas de fosas sépticas de zonas rurais
• Viaqua
» Desenvolvemento de robots para o reparto de recambios en talleres de automoción
• Pérez Rumbao, S.A.U.
» Desenvolvemento dunha solución dixital para a optimización de experiencias en eventos deportivos
• Diesemm
» Desenvolvemento dun sistema de control de crecemento de especies forestais que permita a monitorización ambiental
• Finsa
» Desenvolvemento dun método ou sistema de medición rápida de graxas en pastas de refinado
• Aceites Abril
» Deseño de solucións para transformar envases plásticos de cosméticos en produtos duradeiros para salóns de peiteado
• L´Oreal
» Creación de colección téxtil reciclada e presentación da mesma mediante ferramentas dixitais
• El Pulpo
» Deseño de sistema de análise para empresa téxtil para optimizar propostas de colección e medir a satisfacción do cliente
• Roberto Verino
» Sistema tecnolóxico para o coidado activo e preventivo de persoas maiores
• Fundación San Rosendo
